«Փյունիկն» ու «Արարատ-Արմենիան» Հայաստանի գավաթի կիսաեզրափակչում են

Ապրիլի 2-ին կայացան Հայաստանի գավաթի խաղարկության քառորդ եզրափակիչ փուլի պատասխան հանդիպումները:

«Լեռնային Արցախ»-«Փյունիկ» երկրորդ հանդիպումը ևս գոլառատ ստացվեց, հյուրերը հաղթեցին 5:2 հաշվով: Դիմակայության արդյունքում «Փյունիկը» առավելության հասավ 12:4 հաշվով և նվաճեց կիսաեզրափակչի առաջին ուղեգիրը: 

«Լեռնային Արցախ» - «Փյունիկ»՝ 2:5 (0:5)
Երևան, «Ջունիոր սպորտ» մարզադաշտ
Մրցավար՝ Աշոտ Հարությունյան 
Գոլերը՝ Խուան Մանուել Մոլինա Օբրեգոն, 69, Տիգրան Հակոբյան, 85 (Լեռնային Արցախ), Էդգար Մալաքյան, 13, Թեմուր Ջիկիա, 17, 22, 29, 35 (Փյունիկ)

Խաղի արձանագրությունը

«Արարատ-Արմենիա»-«Ուրարտու» հանդիպումն անցավ ավելի լարված պայքարում: Առաջին հանդիպումն ավարտվել էր «Արարատ-Արմենիայի» նվազագույն հաշվով հաղթանակով: Պատասխան խաղում առաջինը հաշվի մեջ առաջ անցավ «Ուրարտուն»՝ հավասարեցնելով դիմակայության հաշիվը: Երկրորդ խաղակեսում սակայն հանդիպման ընթացքը փոխվեց, առավելությունն անցավ «Արարատ-Արմենիայի» կողմը: Հանդիպումն ավարտվեց 2:1 հաշվով, դիմակայությունը՝ 3:1: 

«Արարատ-Արմենիա» - «Ուրարտու»՝ 2:1 (0:1)
Երևան, Ֆուտբոլի ակադեմիա
Մրցավար՝ Յուրա Մահտեսյան 
Գոլերը՝ Ալեքսանդր Պուսկո, 62 (ԻԳ), Ալվին Թերա, 90+7 (Արարատ-Արմենիա), Դմիտրի Տիխիյ, 42 (Ուրարտու)

Խաղի արձանագրությունը