Անդրանիկ Ադամյան
ՀՖՖ Գործադիր կոմիտեի անդամ
Ծնվել է 1952 թ․ հունվարի 22-ին։
1969-1973 թթ․ սովորել է Երևանի պետական ֆիզիկական կուլտուրայի ինստիտուտում։
1974-1975 թթ․ աշխատել է Գյումրու ֆուտբոլի մարզադպրոցում որպես մեթոդիստ-մարզիչ։
1976-1980 թթ․ խաղացել է «Շիրակ» ֆուտբոլային ակումբում։
1981 թ․-ից եղել է Գյումրու մարզադպրոցի ուսմասվարը։
1982 թ․-ից մարզել է «Շիրակ» ֆուտբոլային ակումբը, 1983-1985 թթ․ հանդիսացել է ակումբի գլխավոր մարզիչը։
1986-1989 թթ․ որպես գլխավոր մարզիչ աշխատել է Սպորտային վարպետության բարձրագույն մարզադպրոցի «Կումայրի» թիմում։
1990-2004 թթ․ եղել է «Շիրակ» ՖԱ-ի գլխավոր մարզիչը։
1995-1997 թթ․ աշխատել է Հայաստանի ազգային հավաքականի մարզչական շտաբում։
2001-2002 թթ․ եղել է Հայաստանի երիտասարդական հավաքականի գլխավոր մարզիչը։
2003 թ․ զբաղեցրել է Հայաստանի ազգային հավաքականի գլխավոր մարզչի պաշտոնը։
2004-2009 թթ․ եղել է «Շիրակ» ՖԱ-ի Գործադիր տնօրենը։
2010-2019 թթ․ աշխատել է «Շիրակ» ՖԱ-ի ակադեմիայում որպես Մարզական տնօրեն։
1988 թ․ որպես մարզիչ դարձել է Հանրապետության գավաթակիր, 1992, 1994 և 1999 թվականներին հռչակվել է Հանրապետության չեմպիոն, 1993, 1996, 1997, 1998 և 2002 թվականներին եղել է արծաթե մեդալակիր, իսկ 1996, 1999 և 2003 թվականներին՝ սուպերգավաթակիր։
1983 թ․ Մոսկվայում, 1995 թ․ Հելսինկիում և 2002 թ․ Բարսելոնայում մասնակցել է մարզչական դասընթացների։
1998 թ․ շնորհվել է հանրապետության վաստակավոր մարզչի կոչում։
1999 և 2001 թթ․ ճանաչվել է հանրապետության լավագույն մարզիչ։